吳尊傳收六位數簽網紅公司拍片教健身 否認唔想再接戲
前台灣男團飛輪海成員吳尊，3月底舉家移居上海方便搵食，點知到埗一星期左右就遇上封城，不過吳尊都冇話好辛苦，仲大讚當局安排得好，又有充足食物，落街做檢測仲大方與工作人員合照，獲讚親民。不過一向好脾氣的吳尊，近日就大動作為網上流言發文澄清。
三位前飛輪海成員，近年都專注在內地發展。
3月全家移居上海。
點知即遇上封城。
早前台灣藝人劉畊宏，以及吳尊昔日隊友辰亦儒，都紛紛拍片教做運動，疫情下好多人留家抗疫，導致做運動片爆紅，成功引起話題。不少明星都在疫情下開始拍片搵食，日前有內地網民於微博指，吳尊都與劉畊宏同一間網紅公司簽咗約，仲話佢袋咗六位數人民幣，嚟緊會拍片教健身。對於曾經揚言要專心向演員路進發的吳尊，近年都只專注上真人騷及接代言，有網民爆料：「他本人不太願意拍戲，加上他演技現在也不行，所以公司也懶得費心思去推他演戲了。」面對種種傳言，吳尊日前透過工作室的微博澄清：「假！」Fans都大讚他霸氣。
劉畊宏近日睇準市場拍抖音片教健康操爆紅。
吳尊昔日隊友辰亦儒早前都開始拍片教做運動。
近日吳尊被傳簽網紅公司拍片教健身。
有傳吳尊袋咗六位數。
仲話吳尊本人唔係幾想接戲。
吳尊工作室澄清傳言。
更多第5波疫情資訊，請到以下專頁瀏覽（按此）
立即下載｜全新《星島頭條》APP：https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|