林盛斌（ Bob）主持的無綫節目《360秒人生課堂》播到尾聲，阿Bob以壓軸演講嘉賓身份，講述入行初期遭受冷眼的經歷，感激嘲諷過他的人，成就今天的自己，他說：「記得當年喺電台冇節目做，突然有一日有機會畀我錄電台廣告，平時錄廣告嗰位DJ係啤梨（葉文輝），嗰日佢唔舒服，監製見我行過就話：『你』，就係咁我錄咗我人生第一次電台廣告。我好開心，好畀心機，但係個客聽完第一句就問：『呢把聲邊個嚟？阿Bob乜水嚟架？你唔好搵啲阿豬阿狗去錄我啲廣告，個廣告唔出街住，你等啤梨好番先再錄啦。」
魯振順則在節目中對離世的母親，一直默默支持他追尋演員夢表達謝意：「阿爸唔贊成我參加訓練班，但阿媽冇理佢，只係叫我畀心機做好自己、爭番啖氣。嗰時實習要做甲乙丙丁、行行企企，根本冇得瞓、冇得休息，一有得瞓就梗係死命咁瞓、乜都唔食啦，我阿媽就坐喺床邊，用個匙羹將啲食物塞落我個嘴度，話要食嘢架，佢話『唔食嘢冇營養會死架』。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|