「東張女神」何沛珈近日入劇組拍攝《寵愛Pet Pet》，入行前做過護士的她，多次在劇集中客串做護士，今次都做番老本行，不過是做獸醫護士，跟隨飾演獸醫的林夏薇（薇薇）工作。早前她在社交網偷影林夏薇埋位前用心讀劇本，大讚薇薇讀劇本都咁靚。
提到她的護士形像受落，成為無綫御用護士？她稱：「就算以前做過護士都好，其實演戲係兩回事，仲要今次係對住動物，咁大個女最多養過魚，不過之前有個底係易啲pick up，今次會考演技啲。」雖然經常飾演護士，但她每次都會在角色中加入不同個性，「護士唔一定一模一樣，如果次次演一個好正經嘅護士，好冇新鮮感嘛！我都想試吓唔同角色嘅。」
劇組近日開工，讓她第一次體驗慢慢開夜班，感覺新奇拍得好開心。而《東張西望》都要兩邊兼顧，她笑指現在更注重一件事：「更加注意今日腫唔腫，因為做東張戴口罩，腫啲大家都睇唔到，依家腫啲好容易睇到，日日都要飲齋啡。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
