藝人康子妮以大使身份出席立蛋節活動，她稱要立蛋成功有少許秘技。提到大仔早前赴日留學，她笑言：「佢讀商科，我對佢有個要求就係唔可以半途而廢，要大學畢業。」而細仔剛中學畢業，稍後亦會到加拿大升大學：「佢揀咗我大學間母校讀書，佢申請學校要寫一封信，信內容好感動，佢講到我喺呢間大學畢業以及我點幫助佢，睇完封信好催淚，因為佢平時好少親口講，原來係咁深情。」
另外，問到是否有拍拖時，子妮自言太忙哪有時間拍拖：「我要做保險，又要拍嘢，7月會拍一套短片，有時忙到只係瞓得2、3個鐘。」
有捧前夫林曉峰場
提到前夫林曉峰在內地節目《聲生不息》的表現，她透露有捧對方場：「我同佢一直有保持聯絡，講吓小朋友讀書安排，好戥佢開心，我好耐之前已經話佢係唱得之人，戥老爺奶奶好開心，終於畀人見到佢嘅才華。（但網友對佢評價好壞參半，話佢不及專業歌手？）咁佢唔係專業，經驗方面會少啲，但佢嘅聲線好好，而且聽得出佢有進步。」她又自爆正跟炎明熹的歌唱老師學唱歌，希望再有進步空間。
本文作轉載及備份之用 來源 source: http://hk.on.cc
|
鍾意就快D Share啦！
|
|
|