藝人周星馳近年甚少於幕前露面，近日佢罕有接受央視訪問，講到自小夢想成為演員，拍過嘅題材咩都有，全因諗到咩就拍咩，而問到為何加入咁多中華色彩元素，佢就表示：「那我肯定是把中國元素融入進去 ，因為我懂嘛，我覺得這也是中國的電影最大的優勢，其實就是中國的歷史文化是很深厚，它有太多的精彩故事，所以我們肯定是把中國的故事說好。」講到香港回歸25周年，佢表示雖然有咗好多機遇，但有啲嘢依然不變：「對我而言，我永遠都是中國人，所以香港跟國家其實是文化相同，血脈相通。」
佢又憶述曾有內地導演表示受其電影啟發，佢指自己嘅創意都一樣受到內地電影影響，所以香港同內地電影人嘅關係係互相支持、互相學習，佢續表示：「香港的年輕電影人應該利用粵港澳大灣區的優勢，把中國的故事發揚光大，又可以享受到龐大市場，也可以帶動大灣區的發展。我希望香港的未來，在國家的支持底下，可以繼續保持創新活力，我們一起努力去創造未來。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
