繽FUN星網新一輯煮食節目《星級煮意》，今集繼續由外表同廚藝都滿分嘅「女神」鄺潔楹（Judy）登場，Judy亦絞盡腦汁為大家推介菜式，來到第2集，梗係要拎自己最拿手嘅菜式出嚟，上集煮完廣東菜，今集就煮西餐「白酒蜆肉意粉」喇！
主要材料有蜆、番茄仔、蒜頭及白酒，Judy推介選用沙巴蜆，因為肉質比較多，食落質感仲卜卜脆咁話，當然唔少得意粉，首先將意粉煮大約7至9分鐘，當煮到5分鐘左右，其實已經可以將意粉錨起，稍作風乾後，再把意粉、蜆放入鍋一起加熱煮，此舉可以令意粉索到蜆肉汁。首先以橄欖油起鑊，加熱後把約6粒分量嘅蒜頭，連同蒜片炒香，當炒至金黃色時，再加入番茄仔及蜆，兜勻後便可以冚蓋，焗大約10幾秒後再打開蓋，加入白酒後再次兜勻，呢個時候再放入煮熟嘅意粉，再次冚蓋，直至見到所有蜆都開晒蓋，就加少少煮意粉嘅水，等佢收一收汁，跟住最後嘅步驟，就係落少少牛油，等個意粉味道香啲，然後就可以熄火，加入埋切好嘅香菜就完成。
本文作轉載及備份之用 來源 source: http://hk.on.cc
|
鍾意就快D Share啦！
|
|
|