肥媽Maria Cordero今日在社交網貼出短片，透露自己不幸中招確診新冠肺炎。片中見肥媽在房中自我隔離，她戴上口罩，但仍見到面色有點蒼白，肥媽甫開始便已指自己一向很小心，怎料依然中招，她指昨日（23日）做快測時依然無事，如常去行山、去街市買餸、去食飯及買衫，之後回家，怎料今早5時起身時，感到十分頭痛，因此即做快測，結果出現「兩條線」呈陽性。肥媽表示：「check完見兩條線後，愈嚟愈頭痛，但冇發燒，只係好似想發，有少少咳。我已通知政府，依家留喺房度隔離，又戴住口罩同開咗啲殺菌機。」
肥媽話諗唔到自己點解中招。
肥媽除了在房中自我隔離，她亦叫同屋的家人及外傭不要出街，加倍小心及同樣日日做快測。此外，肥媽因為中招，故原定明天及下周三（29日）做的網上直播皆取消，希望fans原諒。短片尾聲，肥媽依然苦惱不知自己從何感染，她謂：「真係諗唔到，係去餐廳洗手間，但我都有戴口罩。」最後再叮囑大家要小心，以免中招。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|