歌手陳柏宇的網紅太太符曉薇（Leanne）雖已是一女之母，但勤做運動付出有回報，成功keep住好一副身材。近日她在社交網頻晒水着相，其中最新一套啡裝比堅尼，Bra Top及泳褲都少布到犯規，性感度爆燈，簡直挑戰老公容忍度。
Leanne接受訪問時，就大爆攝影師正是其寶貝老公陳柏宇：「呢啲相係陳生親手幫我影嘅，所以佢唔會呷醋，同埋之前我好嚴格咁控制飲食同做運動，依家fit番晒，我諗仲fit過未生囡囡之前。」
Leanne直認其少布泳衣是她史上最性感的一套，又謂：「見自己瘦咗，又見件泳衣又幾靚就賣咗，（會唔會走光架？）梗係唔會，我check清楚先走出房門，好穩陣，應遮嘅位都遮晒。」問拍「寫真」時可感尷尬？她稱：「咁嗰時個泳池又冇人，只得我一家三口，所以咪好大膽咁，除咗件浴袍影咗幾張相囉。」
問老公可有讚她正？她爽快謂：「有呀，佢好欣賞成日好勤力做運動嘅人。」不過因在酒店Staycation期間放肆狂食，所以回家後要戒口又地獄式做運動，努力減去儲了3日的脂肪。
本文作轉載及備份之用 來源 source: http://hk.on.cc
|
鍾意就快D Share啦！
|
|
|