英皇「龍虎豹」天后容祖兒同蔡卓妍（阿Sa）、鍾欣潼（阿嬌）情同姊妹，容祖兒今日（16日）踏入42歲生日，佢身在內地開工，不過佢點會自己一個過，好姐妹蔡卓妍（阿Sa）、鍾欣潼（阿嬌）及霍汶希梗係陪住佢身邊啦，佢哋仲偷偷哋為佢搞咗個生日P，除咗佢哋3個，連Sa爸都有驚喜現身，氹得壽星女容祖兒鬼咁開心。
霍汶希滿心祝福咁留言，話會一直守護佢身邊：「祖祖，我們蔡卓妍、鍾欣潼給你準備的生日驚喜怎麼樣？是不是很驚喜，是不是很開心？今天是妳的生日，祝你萬事勝意，好事一個接一個來，也希望你不止生日，而是每一天都開心快樂，繼續在台上閃閃發光，好的作品源源不斷，總之，我們會一直守護在你身邊，希望八十歲、九十歲的生日還要一起過！」而阿Sa就留言話搶咗壽星女支蠟燭口嚟吹：「好開心今年終於吹咗你支蠟燭，歡迎你下次吹番我嗰支！#願望一齊許#我嘅即係你嘅你嘅即係我嘅 」
祖兒自己都上載咗一載玩氣球新相，仲話今日係「幸福快樂日」，見佢喺室內被大量波波包圍住，靚女得嚟又有童真，難怪網友都笑佢大一歲都仲成個小朋友咁，可愛到暈。
本文作轉載及備份之用 來源 source: http://hk.on.cc
|
鍾意就快D Share啦！
|
|
|