2022年6月2日星期四

頭條獨家丨陳凱琳一餐Tea食足三個鐘千萬KOL過闊太生活 #陳凱琳

頭條獨家丨陳凱琳一餐Tea食足三個鐘千萬KOL過闊太生活

13年港姐冠軍，30歲的陳凱琳（Grace）同老公鄭嘉穎結婚4年，先後於19年及20年誕下囝囝鄭承悅（Rafael）及鄭承亮（Yannick）。做咗阿媽後，Grace將重心放喺屋企，唔拍劇但繼續做主持兼KOL，之前先獲得年度「品牌最愛」殊榮。有指Grace喺疫情下吸金力仍然驚人，估計營業額高達千萬，52歲嘅鄭嘉穎應該好安慰。採訪:娛樂組

鄭嘉穎陳凱琳一家四口。

Grace好鍾意Share，過時過節，有人生日或者520日子都一定會出Po，因為鍾意Share而獲得品牌垂青，睇佢IG十個Po有八個都係廣告，不過因為拍得有趣，所以就算明知佢賣廣告都唔會太討厭，仲好多Fans讚佢靚添。



陳凱琳啲IG廣告PO都幾性感㗎。

好吹得

日前下午約3點，零妝Grace現身又一城嘅Lady M，睇陣餐牌女友人就到達，兩人各自Order咗蛋沙律漢堡包，食之前仲用汽水嚟碰杯，邊食邊傾，食完繼續傾，唔知傾乜，總之Grace好多表情，有時大笑有時掩面表示驚訝，坐吓傾吓玩足三粒鐘，之後兩人仲喺商場搵位影合照，Grace送友人去搭的士，自己再坐港鐵離開。