肥仔晒錄音室合照自覺肥咗少少 搵193教P圖變咗女人
阿Dee有份主演嘅《闔家辣》噚日喺觀塘舉行首映，ERROR其餘三位成員都有出席首映撐兄弟。有傳ERROR將於今年11月開騷，193表示要留返公司宣佈：「我哋都係打工仔，要等公司安排，不過我哋好希望今年可以開到。自從開完麥花臣，前年上年都好想再開。」而Dee哥就話：「可惜計劃永遠趕唔上變化，都冇辦法答實任何事。」
193、肥仔及保錡去撐阿Dee場。
開騷答唔實，錄歌就答得實嘞，肥仔噚日上載喺錄音室嘅合照，相中有經理人濟哥、193同埋做好多幕後工作嘅音樂人何秉舜，被經理人攬住嘅肥仔依舊面又肥頸又粗，佢留言:「Error錄新歌🔥🔥估下咩曲風？😏睇見張相肥咗少少，叫3哥教我P圖，圖2係成品😂😂」經過193簡易教學後，肥仔上載新手P圖一張，相中嘅肥仔塊面、嘴及鼻都細咗，但條頸一樣咁粗，最重要對眼，大咗之餘眼線又深咗，變咗一個塊面有肉同短頭髮嘅女人。圈中人周家怡同麻利都讚佢對眼化得幾好，咁樣助長等同推肥仔去死，希望肥仔之後執相唔好咁重手啦。
ERROR就嚟有新歌，其實肥仔肥都唔係第一日嘅事。大家覺得肥仔呢個樣點呢?圈中朋友評價如圖。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
