藝人洪欣近年主力喺內地發展，育有一對仔女嘅佢，生活幸福美滿，而佢大仔張鎬濂已經21歲，遺傳咗父母嘅演藝細胞，殺入娛樂圈， 不過佢就冇利用媽媽喺嘅人脈，靠自己實力喺圈中打拚，最近仲喺劇集《尚好的青春都是你》中擔正演出，演學生嘅佢充滿陽光氣息，獲得唔少網民大讚靚仔，仲睇好佢可以喺內地爆紅添！不過網民令最好奇嘅係張鎬濂外貌同生父莫少聰好唔同，佢遺傳咗洪欣嘅大眼同大鼻，但係一啲莫少聰嘅影子都冇，反而同佢繼父內地男星張丹峰有啲似樣添！
洪欣同莫少聰分手之後，一直獨力撫養兒子，直到2011年嫁畀張丹峰，兒子張鎬濂才改姓「張」。之後洪欣再育有一女張晞彤，張丹峰一直當張鎬濂係親生仔一樣看待，感情相當好，而張鎬濂就多年嚟同生父莫少聰零接觸。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
