藝人羅家英接受電台的訪問，首次透露與汪明荃結婚前，曾有兩次向汪明荃求婚的衝動。外間傳聞他向太太求婚19次，家英哥否認，更指對方家庭觀念較他重，而他反而有結婚恐懼症。他說2002年太太患癌，沒有提出結婚，2004 年他患肝癌，太太開口說了：「只係輕輕講，喂！我哋幾時結婚？我就話，結咩婚？唔好結住，睇定啲先，都未了解清楚。」家英哥回想曾經有過2次結婚衝動，第1次是太太要上深圳開會，他想到對方若從政，必先要處理好家事，所以需要給她一個名份。
談及和周星馳合拍電影《國產凌凌漆》，他憶述與周星馳合作非常開心：「佢絕頂聰明，經驗豐富，初合作冇心理壓力，因為我只知佢係『無厘頭』嘅始創人。我冇睇過佢啲戲，所以我眼中冇佢！哈哈！佢同我好好傾，佢當我係新人。佢同我講要拍《西遊記》，我心諗有乜好拍？人哋都拍晒啲古仔啦。結果佢真係拍《西遊記》，搵我做唐僧，一連出咗兩集，但係佢只係畀咗一集錢，因為我係逐日計數，冇法子。佢唔好話只剪成兩套（電影），剪5套我都無權出聲，不過我只係拍咗唔夠10日。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
