藝人蔡卓妍（阿Sa）、鍾欣潼（阿嬌）依家正為內地真人騷節目《乘風破浪》參賽，二人就長Stay內地長沙，不過人唔可以永遠都只埋頭工作，有網友就上載短片，指自己喺長沙一間夜店偶遇到Twins孖住一齊去蒲！片中見到Twins齊齊以黑色貼身Top出巡，雖然戴上粉色口罩遮樣，不過都遮唔住佢哋嘅光芒，網友更留意到二人身旁就多咗位同樣戴上同款口罩嘅高大男子同行，佢以白Tee上陣，同樣引人注目。
而喺最新一集《乘》入面，二人好友、曾參加第二季嘅天后容祖兒（Joey）就做神秘嘉賓，搞到阿Sa、阿嬌都好驚訝！今集入面，就見到「龍虎豹」聚首宿舍吹水，當中阿嬌身穿高腰短袖衫，Joey突然好認真咁同佢講：「阿嬌，既然條腰（都瘦）返番嚟，唔好畀佢走囉。」令阿嬌唔好意思咁摸摸自己條腰，大笑：「會再瘦啲。」身邊嘅蔡卓妍（阿Sa）亦落力大讚佢瘦身有成果：「我覺得二公嘅時候最瘦。」阿嬌就無奈表示：「有啲壓力，食得太多。」網友都狂讚三女感情十分好，仲話呢啲肯講真話嘅朋友真係好難搵，希望佢哋友誼永固呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
