陳冠希不時都會分享女兒Alaia嘅生活照，早前其經營品牌CLOT分享咗一條影片，內容係「讓陳冠希帶你進入女兒Alaia的藝術小世界」，陳冠希表示自己對藝術有興趣，女兒同樣受到影響，不時都會畫畫。為咗照顧內地網民，影片以國語望行，陳冠希講一句，Alaia跟住講一句，之不過由於陳老師嘅國語本身就唔太標準，導致Alaia嘅發音都受到影響，例如大家好會變成渣渣好，聲調亦都錯晒。其後介紹畫作時，兩父女轉回英文頻道，即時順暢晒。
對於兩父女嘅國語，唔少網民都留言表示十分可愛，但亦有留言指「這塑料中文，要求秦舒培上綫惡補中文」、「媽媽不教女兒國語嗎？太可惜了」、「這個發音，一個敢教一個敢學」撇除國語呢一部分，陳冠希同Alaia嘅相處模式獲不少網民大讚，尤其係每幅畫陳冠希都會都細心引導女兒作出介紹，十分有耐性。
點擊睇Alaia畫作
本文作轉載及備份之用 來源 source: http://www.hk01.com
|
鍾意就快D Share啦！
|
|
|
