佘詩曼入行25年訴心聲 鍾意所演角色從不覺辛苦
現年47歲的視后佘詩曼，1997年參加香港小姐奪得季軍入行，多年來拍過無數經典角色，成為TVB最紅花旦，更憑《延禧攻略》中的「嫻妃」一角在內地爆紅，劇集、電影及廣告接不停，賺到盆滿缽滿。佘詩曼今年入行25年周年，今日她在社交網透露入行多年的心聲，除感激每一位的支持和照顧，更表示會一直演落去，因為表演已經成為她生命中的一部分。
阿佘（左）於1997年當選港姐季軍。
阿佘表示入行後好似好忙，但她從來唔覺得辛苦。
阿佘打長文分享入行多年的感受。
阿佘寫道：「成日話時間飛逝，無諗到真係飛得咁……快！咁就入咗行25年喇。過去咁多年好似好忙，但又好似咩都冇做過咁，可能因為太開心喇！從來唔覺得辛苦（除咗拍戲太曬之外），從來唔埋怨，因為鍾意！太鍾意我嘅工作喇！鍾意我演過嘅所有角色（除咗一部），感謝每一位俾過機會我嘅人，感謝觀眾嘅喜愛，感謝一直守護我嘅fans，感謝所有曾經合作過嘅每一個你，感謝你哋對我嘅照顧，對我嘅好，衷心感謝！」
佘詩曼感慨完畢後再提及將來，她表示：「表演已經成為我生命中嘅一部分，所以我會一直演落去，就算你們睇厭咗，我都會繼續～期待下一個25年，都有你哋喺我身邊，繼續精采。」不少圈中好友包括鍾嘉欣、周家蔚都有留言大讚及送上鼓勵。
阿佘對自己所演過的角色都很喜歡，只有一個除外，即係邊個角色？
阿佘在演藝事業上獲得不少獎項，演技備受肯定。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
.jpg)
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|