最後禮物丨劉嘉玲有戲癮想再演舞台劇 爆梁朝偉多顧慮未敢踏舞台
由黃子華及潘燦良主演的舞台劇《最後禮物》，昨晚（22日）在灣仔演藝學院進行首演，久未在港露面的劉嘉玲、林嘉欣、佘詩曼、蘇絲黃、金燕玲、楊受成夫婦及蘇永康等，專誠來捧埸，至於鄭中基、吳君如、陳可辛及古巨基等，亦有送上花籃祝演出成功。
近年一直在內地工作的劉嘉玲表示已返港兩個月，至於今次會在港多久，她就指要視情況而定，至於稍後會否到日本找正在旅行的老公梁朝偉？她說：「會，但會幫電影《明日戰記》宣傳完先去。」問到是否專程為電影返港？她說：「都唔係，好耐冇返港，都要處理啲業務。」
劉嘉玲已返香港兩個月，稍後會幫電影《明日戰記》宣傳。嘉玲透露稍後會去日本會合老公梁朝偉。
嘉玲覺得朝偉應該試演舞台劇，但對方猶疑不決。梁朝偉稍後會赴加拿大拍Netflix劇。
曾演過舞台劇的劉嘉玲坦然自己有戲癮：「我之前都喺度做過舞台劇，感覺好熟識，亦很懷念做舞台劇的感覺，排練過程好enjoy，有合適劇本都想再演出，之前曾有人接洽，不過劇本唔吸引。」問想跟誰合作，她即説：「黃子華同潘燦良兩個都鍾意，仲有謝偉豪同黃秋生。」劉嘉玲又透露偉仔都有興趣嘗試演舞台劇，她說：「偉仔應該上一上舞台，我一直有幫佢睇劇本，佢都心郁郁，但就猶疑不決，很多顧慮，其實佢有乜好顧慮，演戲又好過我。」劉嘉玲指偉仔的工作已排到2年後，稍後他亦會赴加拿大拍Netflix劇，她指該劇因疫情而延遲：「開拍時我都會去睇一睇就走，唔想擾騷佢演出，我都唔鍾意。」
吳君如同陳可辛有送花籃。還有鄭中基。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|