黃夏蕙在港台節目《舊日的足迹》透露，將會在本月30日舉行大型「歡送會」，她指其實自己早年在居住美國的女兒擔保下，已經移民美國，「係我唔肯返去，都係香港好，我每次美國表演完都返嚟，始終香港係我個家。」
每件生肖制服逾萬元 願意捐出展覽
黃夏蕙又指，過去3年香港「都無嘢好做」，希望到美國透透氣，出去走走，她強調：「我今次唔係等於移民，但唔會呢頭去嗰頭返，會順便做巡迴演唱會，之後就同我先生去玩，以前邊有得去美國玩，做完嘢又趕返香港做嘢。」
今次做巡迴演唱會，黃夏蕙稱未定回程日子，但心目中最想趕及回港上頭炷香，「我應承黃大仙一定要返嚟，但唔知趕唔趕到返嚟，如趕唔到我會去美國三藩市黃大仙。」她又笑言，期待明年兔年可以扮兔仔，與美國「兔女郎」一樣，穿短裙、戴頭箍性感打扮。黃夏蕙透露，每件生肖制服價值不菲，經大戲戲行製造，每件至少逾萬元，如有機會願意捐出制服公眾展覽。
建議李家超安排長者入住方艙 解決住宿問題
現年89歲的黃夏蕙獲新一代稱呼為「夏蕙BB」、「女神」等，她笑言：「可能我幼稚似BB，但都好開心。」她坦言，每當遇到不公平的事情都會發聲，或因此拉近與年輕人距離。
早年尖沙咀一間名店涉嫌歧視顧客，黃夏蕙有到場表達不滿，她更走入店舖與職員說：「唔可以依人哋服裝，就睇人哋有無錢，錢喺人哋度，咁對待人唔啱。」她又曾經參與派發避孕套活動，鼓勵年輕人避孕，反應十分好，獲不少年輕人要求合照。
至近年社會事件，黃夏蕙稱曾經到中環，勸說年輕人回家，她指：「咁樣瞓喺條街係無用架，無作為，我勸佢地返去啦，好辛苦呀，如果一件事係成就就OK，但日瞓夜瞓做咩啫？」
2019年區議會選舉，黃夏蕙一度表示有意參與，她解釋一直希望可以幫人，尤其長者，她期盼新特首李家超可以更加關心老人家住宿問題，「起咗方艙醫院都無人住啦，嘥咁多錢，老人院又逼，又寸金尺土，一個病全部人都病晒，政府真係要幫下佢住，收容啲長者」，她又透露有一個心願，希望可以成立老人院，提供生養死葬一條龍服務，毋須「最後兩年先嚟愁」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|