由MIRROR成員姜濤與Jer（柳應廷）聯同毛舜筠主演的英皇電影《阿媽有咗第二個》叫好叫座，上映不足4日票房已衝破千萬大關，成績亮麗。姜濤今晚（14日）約8時許，突然現身銅鑼灣一商場13樓的英皇戲院借廁所，他的一身全黑打扮吸引姜糖注意，一出現即引起哄動，被觀眾圍住，大家都舉手機影相，他亦友善同大家揮手，由於被重重包圍令他走唔到。其實本來他想行廁所樓梯走，但因要行13層樓，所以最後行廁所正門出來給大家影相，他的神秘出現無疑似為自己的處男電影宣傳助攻。
正忙於巡迴謝票的毛舜筠及導演彭秀慧，聞悉喜訊後大感雀躍與鼓舞，毛舜筠開心表示：「喺疫情之下，呢個實在係一大喜訊！呢一刻好想同兩個『仔仔』姜濤、Jer（柳應廷）一齊分享呢份喜悅，再次多謝大家對呢部電影嘅支持！」
身兼監製、導演及編劇的彭秀慧由衷感激：「多謝大家，最好嘅宣傳永遠係觀眾嘅口碑，大家睇完電影，鍾意呢個故事嘅話，會選擇再入場，或者將呢部電影分享畀其他朋友，希望可以幫助我哋繼續跑落去！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
