黃浩然睇完《明日戰記》感鼓舞 想自薦拍續集
剛度過47歲生日的黃浩然今日到銅鑼灣出席活動，春風滿面的他表示生日過得很驚喜，太太除了煮了一頓很豐富的韓國餐外，亦送了一部可舒緩肌肉疲勞的機器給他做禮物，兩個兒子亦畫了一幅有關鐵人比賽的卡給他，而其他朋友則在他踩室內單車時突然推出蛋糕幫他慶祝。
.jpeg)
黃浩然今日出席活動。黃浩然日前剛度過47歲生日。
提到生日願望，黃浩然指希望大家身體健康及快點不用戴口罩：「身邊好多人中招，其實見到佢哋都幾無助。」另外，浩然亦希望能在電影方面做多點嘗試，更表示剛看完《明日戰記》，看到香港有一部那麼有誠意的電影覺得很鼓舞：「唔可以講拍得住西片，但可以帶你去到另外一個科幻世界嘅電影，自己好期待快啲可以開續集。（係咪想自薦？）當然就自薦啦，佢話會預我㗎。我成日都同古仔（古天樂）講嗰陣未簽你，如果唔係有得拍就好喇！」
黃浩然透露睇完古天樂與劉青雲等人主演的《明日戰記》。
黃浩然想自薦拍《明日戰記》續集。
早前拍完劇的黃浩然透露稍後會為電影開工，現在趁休息時間就為明年4月參加的三項鐵人賽做準備：「我希望放緊假嗰陣可以準備好啲先，到時一開工可能就冇時間。今次會游水游1.9公里、踩單車90公里、跑步跑21.5公里，都辛苦嘅。」他又指現在是人生最fit的時候，更笑言未試過咁fit：「最近去量過，我脂肪比例係5點幾，而家訓練所以食好多嘢，所以而家係飲食，做運動唔使戒口。過咗40歲後唔使食澱粉，而家任食，大家唔好羨慕我。」
問到最滿意身體哪部份，黃浩然即表示是頭髪，他指以前曾試過頭頂禿頭搞到要食藥，現時身體狀況好了頭髮亦多了：「我好緊張頭髮，冇頭髮睇落去就會變老，嗰陣都驚㗎，所以我好注重頭髮。」
黃浩然非常熱愛做運動。
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|