歌手陳曉東（東東）近日「回流」返港，灌錄廣東歌之餘更宣布10月底於西九戶外開騷。已展開宣傳攻勢的他今午（29日）到電台受訪，適逢9月3日生日47歲生日，獲主持送上蛋榚提早為東東慶生。談到生日願望，他說：「希望演唱會順利。（加場？）睇吓觀眾嘅反應先，加場我樂意嘅。（正日生日點慶祝？）嗰日我要錄影節目。」
他透露返港兩星期，已做了兩次核酸：「我仲自己去油麻地排隊，哈哈！」至於工作方面，他說：「已經有3年冇返過嚟，希望做番多啲廣東歌，一首一首咁去做。（將重心移返嚟香港？）其實依家社交平台咁發達，喺邊度都睇到我嘅演出。（今次會留幾耐？）起碼都完騷先走。」
他又透露今次太太有陪他返港：「一對小朋友就留喺北京由我媽咪照顧，因為佢哋要開學。太太遲啲都會返去，同我媽咪接更，等媽咪返香港。（小朋友習慣見唔到你？ ）係，不過之前都返過北京見吓佢哋。（會唔會再生第3個？ ）太太應該唔想，佢依家先回復番未生產前身形，之前佢畀人影到，形容佢似有咗第3胎！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|