藝人蘇麗珊於新片《失衡凶間》的《死場》故事中飾演一名「探靈KOL」，戲中，她會追住一架著火的私家車在街上跑，眼看私家車被大火吞噬，剛拍完一刻，問她可會感到驚慌？她口震震：「嘩，好大火，好震撼，原來我隔咁遠都感到啲火好熱！」之後她要拍攝呆望私家車被大火吞噬而落淚的鏡頭，劇組以燒焊製做火花效果，而蘇麗珊被火花正面噴，穿著短裙的她表現淡定，而導演和工作人員就好緊張。拍攝時，多次問她是否還可以，她做手勢示意無問題可以繼續拍攝，同時她一直保持傷心流淚，交足戲。
一切都算順利，直到最後一個鏡頭完結，蘇麗珊坦言心口被灼傷，她說：「我以為著住外套會無事，點知啲火花咁古惑，飛到入去仲燒穿咗裏面件tee，有個窿，當時心口位有少少痛。」她檢查衣服被燒穿窿的地方和自己後，她說：「只有一點紅咗，無事。（你當時做乜唔走開？）導演一日唔嗌Cut，我都要繼續做！」
戲中飾演「探靈KOL」，性格大膽，喜歡冒險，問她真人是否都如此大膽？她謂：「唔係，我非常細膽，連鬼故都唔敢聽，所以今次演呢個角色好大挑戰。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|