藝人林溥來（Patrick Sir）於無綫劇集《白色強人II》演腦神經外科副顧問醫生，為人進取，經常覺得不受重用，因而與飾演「院長」郭晉安女友的張曦雯（Kelly）作對，為博取表現，更不時巴結另一位院長胡定欣，Patrick接受東網訪問時，笑指監製找他演一個癲覆平時好好先生形象的角色，可謂相當夠膽識，更指劇集於內地率先播，被網民大鬧是衰人，不過他卻樂在其中：「連喺公司飯堂見到啲綜藝組同事，佢哋都話我做得咁奸，好衰！我覺得大家愈鬧我愈開心，即係代表個角色成功，我叫做演得合格！」
Patrick透露之所以演得稱職，視帝郭晉安居功不少：「佢一路拍一路教我好多嘢，同我好深入去傾角色，講俾我聽佢演技嘅方法，令我第一次拍劇都有幾好嘅效果，套劇我主要對手都係郭晉安，我成日跟住佢，其次就係Kelly同定欣，但其實我個角色衰唔晒，後尾都有幫手做郭晉安嘅角色嘅開腦手術，都係以病人行先。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|