《2022香港小姐競選 》星期日晚（25日）在紅磡香港體育館舉行，出爐冠軍是林俊賢27歲愛女林鈺洧，她於奪獎一刻表現驚訝，她於節目《2022香港小姐美麗繼承者》受訪表示：「其實我仲有啲唔係咁相信自己攞咗冠軍，因為我覺得自己表現唔係話十分好。」林鈺洧更開心到有些語無倫次，並表現有些呆。但講到有甚麼說話想對父親林俊賢說，就即變開籠雀，「我嗰陣時問你（林俊賢）呢……好唔好參選香港小姐呢，你同我講唔好玩，你睇吓而家我攞咗冠軍喇！多謝！」非常招積。
冠軍林鈺洧自爆參選前曾被父親林俊賢潑冷水！
新鮮出爐港姐三甲：（左起）許子萱、林鈺洧、梁超怡。
問她爸爸林俊賢有沒有來支持？她指爸爸在內地，因不想隔離沒有返港，但他在香港好多朋友，應該知道她得獎。得獎後她透露曾被父親「踩台」，她在5月中截止報名前參選，她問過爸爸意見，但爸爸叫她唔好玩，她被這句說話有點激發。這刻她最想瞓番場好覺，因參選這個旅程感覺有點攰，不過是美好回憶，她從來沒參加大型比賽。對於入行則抱開放態度，最想做慈善方面工作。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|