早排到內地拍劇3個月嘅洪永城（Tony），日前終於返港，咁耐冇見屋企人當然要即刻飛返去攬吓大家啦，佢太太梁諾妍（Inez）就喺社交網發放短片，留言：「爸爸？古怪叔叔？洪寶傻傻分不清，期待了呢個畫面好耐，3個月後終於見返，究竟係爸爸想念到哭定係洪寶認唔出到哭？定係認得唔哭？睇片睇真相！最後仲話自己要扮外國人做咩事？」
片中Tony返到屋企諗住行埋去掂吓前世情人隻手仔，點知囡囡個樣呆咗一陣，之後就大喊出嚟，明顯唔認得爸爸，可憐嘅Tony即刻雙手掩面扮可憐，之後Inez就嘗試將手中嘅女女交畀Tony，結果囡囡大喊、Inez就喺度大笑，仲對住鏡頭話囡囡平時唔怕陌生人添，好在屋企隻愛犬仲認得Tony。結果15分鐘後，Tony扮外國人用英文同囡囡講嘢，奇怪地囡囡就唔再喊喇，認真搞笑。圈中好友紛紛留言話笑爆嘴，李佳芯留言：「陰功，但好好笑」，同樣身為爸爸嘅楊潮凱就留言話：「我明，我完全明白，因為我試過」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
