肥腸未知《膠戰3》能否開拍 與Edan有見面狀態OK：佢不嬲堅強 #Edan #呂爵安

肥腸（徐浩昌）今天（18日）出席劇集《競爭之合謀有罪》的宣傳活動，現場向觀眾介紹角色及故事，並且暢談拍攝感受。不過，已經忙完劇集拍攝的肥腸目前正在放假 ...

肥腸（徐浩昌）今天（18日）出席劇集《競爭之合謀有罪》的宣傳活動，現場向觀眾介紹角色及故事，並且暢談拍攝感受。不過，已經忙完劇集拍攝的肥腸目前正在放假中，但就希望公司快點再安排工作給他。至於之前拍攝落的綜藝節目《膠戰SSP》被Viu TV抽起無播，肥腸都表示可惜，但就未知會幾時再播：「我都好期待，我哋拍咗有一集SSP，就delay咗未知幾時出街，另外第三季就未知有冇得開，我哋都一路等緊呢個消息希望快啲會有。」

至於《膠戰》主持之一的Edan因演唱會墜屏事件後便一直停工，有傳MIRROR 12位成員將會在10月復工，問到肥腸此事是否當真？他就表示：「我唔知佢幾時復工，但我諗佢都OK掛（冇關心吓佢？）我哋有見面嘅，咁我哋都有輕輕嘅關心，但就冇特別討論太多，咁我哋見到佢OK就冇問啦。」再問到見面期間Edon的狀況如何？他說：「叫做OK啦，我諗佢不嬲都堅強，所以我哋傾偈就發覺佢都OK我哋就冇特別問太多。」

本文作轉載及備份之用 來源 source: http://www.hk01.com

鍾意就快D Share啦！

下一篇 》