鄭欣宜（Joyce)、許廷鏗（Alfred）及馮允謙（Jay）今晚（9/9）現身灣仔會展出席時裝匯演。講起做模特兒，Alfred就透露中學時期行過Catwalk印象深刻：「我好記得當時套衫有對翼，其實而家講番我都覺得有啲尷尬，你哋聽到之後，千祈唔好同我上網搵呀。不過件衫就唔係好性感嘅，因為我有性感底線，而我個性感底線就係著吊腳褲露吓腳眼啫。」而Joyce接著笑說：「頭先我偷聽到王丹妮話自己腿長44寸，跟住我心諗自己都有44寸長喺條腰度，哈哈！做模特兒發夢都未輪到我。
而Jay直指自己先決條件不足，從來都沒有想過可以著靚衫行天橋：「其實好似今晚咁，我就特登著咗對自信鞋出嚟，鞋裡面加咗個4寸鞋墊。點解我要攝鞋墊，其實係可以令到我個人會企得直啲，唔會成日寒背，人望落去都會醒神啲，所以我先著。」
鄭欣宜（Joyce)、許廷鏗（Alfred）及馮允謙（Jay）今晚（9/9）現身灣仔會展出席時裝匯演。
本文作轉載及備份之用 來源 source: http://www.hk01.com
|
鍾意就快D Share啦！
|
|
|