鄭俊弘開工掛住個仔靠一招化解 自爆唔急追第二胎原因
鄭俊弘（Fred）、施匡翹及謝高晉今日到荃灣出席慈善活動，鄭俊弘與太太何雁詩今年6月誕下兒子Asher Douglas，現時囝囝已3個半月，由於疫情關係，故未有搞百日宴。現時過湊仔生活非常開心的鄭俊弘坦言每天外出工作時也感不捨：「好珍惜每次見到阿仔嘅機會，頭先出門口都唔捨得，因為今晚仲有其他工作，要拍劇集《再見•枕邊人》，所以要聽日下晝先可以見到佢，一有空檔我就會開視像睇佢瞓覺。」鄭俊弘指兒子出生後，也令家庭關係變得更好：「生之前會好擔心將來，疫情、佢長大同讀書，但出世之後帶嚟嘅歡樂將呢啲嘢通通蓋過。」提到何雁詩早前指他想「追多個」，鄭俊弘聽後即笑：「唔止係我，佢自己、佢爹哋媽咪同我媽咪都想，不過諗住過一兩年先，因為唔想分薄咗，想將呢一兩年時間畀晒個仔先。（想生仔定女？）如果有個女就真係不得了，哈哈！唔緊要嘅，仔同女都鍾意。」
【相關閱讀】何雁詩兒子出生100日晒新相 眼大似混血美男遭媽媽奪初吻
【點擊睇鄭俊弘出席活動照】
鄭俊弘又指現時已開始向身邊的朋友請教升學問題：「我哋希望自然啲，希望佢開心又唔想俾太大壓力佢，唔想話佢將來一定要讀邊樣做邊樣。」但他表示因不想兒子功課壓力大，故偏向揀選國際學校：「驚佢讀啲嘢太深，到時問我都唔識教。」
【其他文章】
李佳芯獲「通芯粉」應援車力谷 為慈善短片感性謝票
香港小姐2022｜曾志偉現身拜神溫提佳麗唔好發台瘟 自爆前一晚忙到近清晨
郭富城入行32年罕有發感性文：「對你愛不完」是不變的默契，有你們真好
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|