藝人關智斌（Kenny）昨日（9日）出席香港國際時尚匯展揭幕，透露正忙於拍攝電影電影《錄影歹》，談到同片兼任監製的女主角李施嬅有強姦戲份，Kenny坦言有份參演該場戲，但詳情就要保密：「個故事有參考原著取經，內容好露骨，好似涉及藥物、毒品、煙酒同性愛，呢啲都係我很好少接觸嘅題材，亦係咁多年以來最大尺度，好開心有機會突破自己演戲嘅框框。」更指今次是以素人身份試鏡成功取來的角色，故分外有意義。
問到片中可有裸露鏡頭？Kenny表示沒有，反而拍檔栢天男就有，更說：「其實主要嘅親熱戲喺我哋嘅年輕版演員度，所以施嬅都冇咩親熱戲份。（咁咪好蝕底？）係囉！（唔使騷肌？）我不知幾開心，可以正常食嘢，連續拍咗幾晚通宵，依家年紀唔細，做少一日運動都肥。」更指完成該片後尚有一部電影開拍，預計農曆年前煞科：「希望有機會出去過年，好想去旅行，快啲實行『0+7』檢疫就好喇！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
