郭富城是公認的好爸爸，被問到星期六、日與家人的活動時，他就說：「我一直都同太太搵一啲啱小朋友嘅地方去旅行，雖然而家唔能夠好方便出去，但係香港都有一啲好方便好靚嘅地方。只係大家用心感受，香港好多地方都好靚。」小朋友會不會「扭計」想爸爸多些陪伴？他回答：「佢唔扭計爸爸都會陪啦，應該嘅。」
他續說，自己不時都會陪小朋友一起玩耍或是在睡前讀故事書。他說：「小朋友鍾意聽故事，呢本圖書正正就做到呢樣嘢。我又唔係每晚都同佢講故事，因為我自己都有工作，間唔中囉。」讀什麼故事？他笑言平日還會和小朋友玩Elsa公主遊戲，說：「梗係公主而家佢哋最鍾意梗係Elsa！佢話要冰呀，手指指我就要變冰，咁咪唔郁囉。」小朋友是公主，那麼郭富城扮演什麼角色？他回答：「我咪爸爸囉，父皇！」
談到工作近況，他表示自己即將會拍攝一套愛情電影之外，還說正在計劃下年的紅館音樂會。他說：「公司都籌備緊，希望出年可以喺紅館。希望下年大家都鬆綁晒。大家可以有返個好正常生活，有旅客嚟香港，過返好開心嘅生活。我哋演唱會都籌備緊，希望出年係一個好時機。」郭富城會不會帶埋囡囡上台表演跳芭蕾舞？他回答：「我暫時又唔係好想佢...有時你都知我唔想咁高調，小朋友簡簡單單好啲。我太太有時做推廣，偶然拍到小朋友，都有問：『可唔可以大嗰個嚟拍廣告？』我自己就覺得，暫停唔係咁適合住，等佢生活簡單啲，或者將來有機會，緣份啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
