歌手陳柏宇太太符曉薇（Leanne）曾經歷兩次人工流產，仲邊喊邊拍片同網友公布不幸消息，好在佢同陳柏宇都冇放棄，今日（14日）就喺社交網宣布終於成功懷孕，為囡囡Abigail添一名妹妹：「上年我同自己講無勇氣再懷孕 今年估唔到上天送咗份禮物畀我哋 感恩我可以再次懷孕 每日都抱住擔憂同感恩嘅心情 得來不易嘅禮物 只希望妹妹健康平安出世 我知道好多人都估到 你哋inbox 留言問我係咪有咗 我都好想同大家分享 不過上兩次經歷對我有好大陰影 所以我無正面回答大家 但係個肚大得太快 今日就同大家分享呢份喜悅 我會同妹妹一齊加油」
Leanne前年雖然曾再次造人成功，卻不幸發現係宮外孕，要緊急做手術切除一邊輸卵管。去年初發現再度懷孕，可惜產檢發現胎兒患有「愛德華氏綜合症」，最後都要接受人工流產，一年時間內經歷兩次流產，令人心痛。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
