「金曲歌王」曹格同結婚14年嘅太太吳速玲陷入婚變傳聞，連日除曹格瘋狂出post暗示同太太「分居」等，吳速玲更首開腔回應，指自己唔會再忍落去，但雙方都未有正面回應傳聞，直到今日（30日）凌晨5點幾，曹格終於出post直認吳速玲要離開自己，並公開要律師聯絡自己！
曹格前一晚先轉發吳速玲嘅「不忍論」，之後又晒出律師卡片，嗌律師盡快回覆佢，網友就勸佢冷靜同諗吓一對仔女等，惟事後佢解釋只係駕駛照過期，需要律師協助處理。但隨後去到凌晨，佢就再次發功，情緒大爆發致連環發文，更突然發表愛妻論挽回太太嘅心：「我珍惜老婆的愛…所以她離開我是解脫……我愛速玲但她愛得很痛苦。怎麼辦？離開？我離開？還是她離開？她可以選擇離開……但我很愛她，請教我到底甚麼是愛自己？」1個鐘後又出post：「放棄，最簡單」、「我走不是因為不愛你。是因為我太愛你」等，加上佢本身陷躁鬱症，情緒狀態令人憂心。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
