麥長青自2019年離巢後，將工作重心轉移到內地。麥包離巢後曾指喺無綫被當透明、10個月無工開，又曾為ViuTV主持節目，但佢嘅工作似乎都係離不開無綫。
MyTV Super有個新節甩叫《一條麻甩在廣州》，麥包既係主持又係節目監製，負責介紹廣州美食，每集約20多分鐘。之不過，整個節目都有著韓國美食節目《街頭美食鬥士》的影子。《街頭美食鬥士》由韓國飲食大亨白種元一人主持，他先後去到台灣、香港、日本、夏威夷、泰國等多個地方，介紹當地嘅美食，每集都係坐於餐桌前邊吃邊介紹，另外會加入少許烹飪過程的分鏡，簡單且直白，節目於疫情前已拍至第二季，且在韓國有不錯的收視。
麥包在《一條麻甩在廣州》都係會叫到一檯食物，然後邊食邊介紹，再加上分鏡、主鏡的擺設，都與《街頭美食鬥士》相似。而在首集，麥包除了介紹美食之外，亦去到電子產品市場陶街，他走到其中一間音響店：「你哋估下我聽咩歌？」、「由於可能觸及版權問題，我冇得同你哋分享，我只有自己靜靜享受。」既想介紹高質音響，但連一粒音都分享不了，呢種另類介紹方式睇怕真係唔係個個都識欣賞。
睇返節目製作名單，除麥包之外，節目統籌、動畫製作以及導演均由麥包女兒麥淳琳負責。麥包早年帶同女兒出席活動時，曾透露女兒有意做導演。今次父女檔上陣且包辦多個崗位，看來麥包女兒甚有做幕後的決心。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
