前電台DJ、67歲的蘇施黃於2005年戰勝乳癌之後如常工作，近年轉戰做KOL的她，於網上開設頻道介紹飲食資訊，她日前拍片表示自己患了大腸癌第三期，看到身處醫院，精神不俗，她透露當初因為發現屙血去睇醫生，發現患癌後隨即接受手術，她說：「切割咗腸，大腸轉角位切咗15cm，嗰度有個腫瘤，側邊攞咗25粒淋巴，其中3個位有感染，醫生早已經話肯定唔係第一期，驗出嚟係大腸癌第三期，佢話穩陣啲，做完手術後再檢查，睇吓有冇走去身體其他地方，骨或胸邊度。」好在沒有擴散。
她指做完手術後共住了8日醫院，現已可進食的她靠食物保持心境開朗：「開心到不得了，一個人當你食嘢覺得自己病就好病，但當你覺得同Normal人一樣就Normal，我開咗刀，咁大個症，仍然笑口噬噬，面色非常之好，最緊要心境開朗，全靠食物。」又表示之後會有大考驗，因要做化療將會冇啖好食：「唔緊要，化療完又擦過，我啲朋友話化療前先吃為敬，化療後再吃為敬。」她接受訪問時表示：「我精神奕奕，把聲都係咁，聲如洪鐘，繼續如常生活，努力等做化療。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|