台灣舞王羅志祥（小豬）自從被舊愛周揚青怒揭荒淫史，又被指同愷樂（蝴蝶姐姐）有長期不正當男女關係，導致形象插水，事業曾一度停頓，不過佢依家已走出陰霾，重新出發！今日（14日）佢於台灣舉行記者會，正式簽約加盟新唱片公司華納音樂，宣布演藝工作全面回歸！呢次係佢歷經桃色風波後，首次接受訪問，提到之前同佢爆出感情糾葛嘅2位女主角愷樂、前度周揚青，佢表示私下同佢哋都有聯絡，對於愷樂，羅志祥話一直都有關心對方：「好幾年前的事了，每個人都要往前看，向前看是最好的方式。」至於周揚青，佢就話：「我們一直是朋友，過年過節都會問侯。」提到周揚青疑有新戀情，佢都大方表示：「互相祝福。」
問到加盟新公司後有禁戀愛令嗎？佢話：「我都43歲了，目前工作為重，狗狗為重、家人為重。」佢仲話覺得呢次加盟新公司唔係「復出」，因為佢一直持續都有工作，就算事發後佢都冇諗過唔可以重回演藝圈，至於身邊有冇「雙面人」朋友，當爆出負面消息後即離佢而去？佢就認為自己有錯在先，冇得怪人，尊重人哋選擇離開，冇得要求人哋點對待自己！
本文作轉載及備份之用 來源 source: http://hk.on.cc
|
鍾意就快D Share啦！
|
|
|