岑珈其奪「邦民女」林千渟熒幕初吻要先「利申」：唔備案唔使旨意拍
由陳毅燊（ANSONBEAN）、吳家忻（Kayan9896）、林千渟及岑珈其等演出的黃Viu劇集《#她和她的戀愛小動作》，劇中岑珈其艷福無邊，奪走「前邦民女」林千渟的熒幕初吻，作為人夫的岑珈稱拍攝親熱戲時高呼尷尬，更要提前向老婆「利益申報」。
【逐格睇岑珈其奪走林千渟熒幕初吻】：
本來呢場親熱戲最初係借位拍攝，點知經導演研究後，為了推進劇情而決定臨時變成真咀戲，初初以為要獻出螢幕初吻的千渟表現緊張，殊不知最係岑珈其「壓力山大」：「真係有少少尷尬，我之前同灰熊男同男錫就冇所謂，但千渟太靚女，我真係好緊張。好彩我哋本身都認識對方，變相唔使花時間培養感覺，如果係唔識嘅話應該會仲尷尬。」反而女方表現好淡定：「通常對手緊張，自己就會淡定啲，不過我哋都好快拍完，用咗2､3個Take就搞掂！
人夫拍咀戲勁尷尬
「愛妻號」珈其得知有親熱鏡頭後，第一時間向老婆備案，幸好太太本身也認識千渟，獲准開綠燈：「如果唔備案真係唔使旨意拍，不過老婆好好，知道呢啲係演員需要，我都會同自己講呢個係劇情需要，係演戲啫，唔諗其他嘢。」問到他們對於親熱戲的最大尺度，千渟坦言為了戲劇效果，不介意與男演員有親密行為，但堅拒全裸演出。相反，珈其表示寧願行「股」惑：「露屁股我都OK呀，因為之前拍另一套戲都露過。不過講到親熱戲，結婚後最大尺度只可以錫錫，太親密未必會做。」
【其他閱讀】：
上山詩鈉女兒Hilary私服靚相大合集！混血靚樣人氣急升狂吸fans
《四葉草》播出20周年 唐詩詠大爆當年緋聞：我哋好亂架喎！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|
