李彩華（Rain）最近流出一輯性感床照，換了新髮型的她僅以白色床單遮掩身體，意態撩人。問到照片由誰操刀？她即拉開話題：「因為剪短咗頭髮覺得好清爽，加上呢排好忙食無定時，間接令自己收埋身，而我一直認為女人最性感就係啱啱起身嘅時候。有朋友趁生日幫我影咗呢輯相，出嚟效果好有美感，自己好滿意。」問到對方是男是女？她笑說：「我都知大家好有想像空間，答案梗係女仔我對住同性會影得放好多，相機後係另一半，可能會有啲拘謹。」
相睇要度期
Rain上周五生日，一班閨蜜花心思為她準備慶祝派對，之前傳婚變的陳浩民帶同太太蔣麗莎出席。自從回復單身後，Rain不時收到追求者送花，今年亦沒有例外，她坦言不是眼角高，但至今仍未遇到令其心動的異性。她揚言日後再拍拖，一定會是結婚對象，並說：「依家單身都有好處，唔使成日同人交代，不過身邊朋友仲肉緊過我，經常話介紹筍盤畀我，可惜有幾次都撞正有工作在身，最後去唔到相睇飯局，搞到佢哋好冇癮，話做我媒人難度極高，要度期，哈哈！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|