無綫小花陳嘉慧（Erica）12歲時跟隨家人到日本生活、讀書，日前她終於有機會返回家鄉日本東京探親。隻身在港的她近年備受無綫重用，更一劇接一劇，擔正女主角。已有3年沒有返回日本的她，本來開心非常，每天陪家人過家庭樂，又約同學敍舊，但不幸地前日她駕車與家人到靜岡縣出遊時，於吾妻山隧道遇到11車連橫相撞車禍，當時Erica駕駛的車就緊隨其後，幸而她及時急煞避過死神，雖然她與家人身體上沒有受傷，但都被嚇親，餘悸猶存。
Erica接受東網獨家訪問時表示：「當時喺高速公路，啲車都幾快，我前面啲車突然全部連橫相撞，都幾大聲，真係好驚、好恐怖，當時我只係見到啲車全部玻璃爆晒，前面幾架車有人受咗傷，喺隧道入面都困咗3個幾小時，好在屋企人都冇事，我都係第一次咁樣親身感受，一線之差，大難不死，真係好彩！最近都多咗好多人出去旅行，真係要小心啲，注意交通安全。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
