台灣天王王力宏去年底被李靚蕾核彈級爆料，演藝事業停擺，二人仍喺紐約、台北進行離婚訴訟。沉寂1年，今日（6日）有娛樂公司公布王力宏將於明年1月28日於美國賭城拉斯維加斯Resorts Wolrd劇院舉行「ONE Lee Hom Wang」售票演唱會，捲土重來高調復出！王力宏又喺官網親錄聲音檔說道：「哪怕只有一個人，我也要唱給你聽。」主辦方指唔想抹煞王力宏嘅才華，而樂壇亦只有一個王力宏，唔應該剝奪佢唱歌畀在乎佢、相信佢嘅人聽歌權利。
消息指王力宏今次開騷，會分享呢段日子嘅感受，及演唱佢沉澱落嚟之後寫出嘅新歌。談到王力宏近況，主辦方只表示佢日日埋頭苦幹練唱、創作。至於美國成世界巡迴第一站，主辦方表示售票演唱會早就定好，之前係因為疫情所以延後，剛好2023農曆年開始動工。但對於今次佢出嚟開演唱會，是否官司有曙光？對方則表示同王力宏只係工作上嘅合作，而會否出新專輯或單曲推出，王力宏目前都有創作。對於即將在1月復出的心情、會不會緊張？王力宏所屬經理人公司則未回應。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
