「滑雪女神」谷愛凌（Eileen）近日流出與男子於溜冰場熱吻嘅影片，疑令戀情曝光成為全城熱話，片段中嘅男主角隨即火速被網民起底，原來該男子名叫Mick Kelley，來自三藩市，畢業於美國硅谷頂尖私立高中，身高185CM且外形陽光俊朗，更同谷愛凌一樣熱愛運動，目前係耶魯大學棒球運動員，與此同時佢不但精通多國語言，加上家境不俗，仲曾出版過書籍，不論背景、身高、興趣等都與谷愛凌非常合襯。
其實佢嘅社交網一直不乏與谷愛凌嘅互動，2人早於2019年已認識，當時谷愛凌頻頻點讚男方貼文，又不時留言，關係相當不錯。而今年5月，谷愛凌結束比賽後前往法國參加同學聚會時，Mick都陪伴左右，當時2人更表現得非常親密，男方幾乎半挨坐喺女方大髀上，另一張相Mick更赤膊上陣，疑準備與身穿泳衣嘅谷愛凌暢泳，不過消息曝光後，照片即急急被刪，男方嘅社交網亦已設為私人帳號。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
