2022年12月2日星期五

獨家丨陳美齡唔使乖孫入史丹福快樂更重要提議囝囝熟讀媽媽著作湊仔唔會慌 #陳美齡

獨家丨陳美齡唔使乖孫入史丹福快樂更重要提議囝囝熟讀媽媽著作湊仔唔會慌

67歲的陳美齡（Agnes）三喜臨門，除推出國語新歌《透明的花瓣》外，更舉行《美麗人生半世紀》演唱會線上重溫及分享會，打破地域界限跟全球忠粉見面。至於第3件大事，就是將三代同堂，她難掩興奮：「我可以減產，隨傳隨到去美國湊孫，仲會提供育兒貼士！」採訪：方騫平攝影：朱偉彥

陳美齡一提到榮升嫲嫲就忍唔住微笑。



陳美齡唔使乖孫一定要入讀史丹福大學。

陳美齡大仔金子和平跟莊文若（Lucia）結婚4年，最近傳嚟成功造人好消息，即將榮升嫲嫲的Agnes笑到見牙唔見眼：「真係諗起都開心，好想睇吓個樣似邊個，我諗我會飛過去美國陪新抱坐月，幫手煲薑醋，有咗個孫之後會放低非必要工作，隨傳隨到去美國，只要需要到我就一定到。」



在她眼中兒童快樂成長更為重要。



陳美齡對育兒好有研究。



陳美齡講到湊孫就笑。



陳美齡大仔及新抱快將做爸媽。

堅持愛在起跑線

Agnes曾經出過多本《50個教育法，我把三個兒子送入了史丹福》、《家長不要做的35件事》、《40個教育提案：把快樂帶回給香港學生》等育兒書籍，她乘機叮囑兒子做她書迷，好好熟讀她的著作：「有晒planning，學懂知識，如了解點解BB會成日喊、不停要飲奶…即使作為新手爸媽都唔會慌亂，反而識得去enjoy湊仔過程。」



陳美齡嘅大仔金子和平與新抱莊文若終於造人成功。



陳美齡出過多本育兒著作。



陳美齡出過多本著作。

Agnes一屋叻人，3個兒子都畢業於名牌大學史丹福，問她會否要求個孫，將來都要成為史丹福學生？她輕鬆說：「任佢我冇乜所謂，當然呢間係好嘅大學，入到梗係開心，不過，做個快樂、堅強、善良嘅人更重要，唔使一定好成功，唔使同人比較，最緊要係接受自己長處同短處，認同自己係個好有價值嘅人，咁樣就唔會自卑及自大。」Agnes堅持要愛在起跑線。