而提到他與Rosita將在新劇《奪命提示》中再飾演情侶，問到又與對方演情侶可會悶？丁丁即說：「唔會，對住靚女點會悶，我哋已經有默契。今次套劇嘅感情戲同之前《下流上車族》嗰種唔同。（佢讚你係好好嘅前輩。）嘩，咩前輩，佢唔好亂講嘢，佢先係我前輩，我聽佢唱啲歌大㗎，哈哈，我哋同年㗎，平日有一齊踩板，拍劇都合作得好開心嘅，Rosita係個好努力嘅演員。（佢今年台慶有好多提名）係呀，佢有三項提名，媲美鮑姐同美儀姐呀。我睇好佢今年肯定可以上台，我哋仲有個劇集獎，希望可以拎到。」
對於自己今年首次殺入視帝十強，丁丁表示：「我都好驚訝，係我第一次擔正做男主角就獲得提名入十強。（同林敏驄睇齊喎）唔敢，點敢同驄哥睇齊，可以同佢哋（其他視帝候選人）一齊影相，我都好開心。（今次越級挑戰？）係越級不過唔係挑戰，只係越級觀看佢哋，我何得何能贏佢哋，自己有得提名已經贏凸。」近年備受力捧的丁丁劇接劇，他開心地表示是好事，待拍完劇集可以休假時，最想去熱的地方旅行叉電。
本文作轉載及備份之用 來源 source: http://www.hk01.com
|
鍾意就快D Share啦！
|
|
|