由王賢誌（Vinci）主持J2台節目《仔仔一堂》昨晚（2日）一集，嘉賓馬詩慧（Janet）大方分享從抗拒到接納大女兒是同志的過程：「我諗我係一個幾傳統嘅媽咪，我都係想我啲小朋友結婚生仔。初頭係我自己Sense到，佢喺美國返嚟放暑假，我成日見到佢用電腦同個女仔傾偈，我就問佢，佢初頭唔認。直至有一日佢就話係呀，我係鍾意女仔，咁我淨係同佢講『我諗你睇定啲先啦，遲啲你可能鍾意番男仔』。」
Vinci聞言大表詫異，並追問Janet是否因事情發生在自己女兒身上才難以接受，此時Janet接着說：「冇錯，我好多同志朋友，我覺得佢哋好Nice，好Talented。」Janet又謂後來全靠一個「窿」令自己想通，過程更是相當神奇，Janet說：「有次我去做Massage，張床咪有個窿嘅，喺個窿度突然之間有人同我講『你要開始去接受呢樣嘢，因為呢樣嘢會影響到你同你個女嘅關係。』我做完之後就覺得要Let Go喇，我個女有自己嘅生活，有自己愛嘅人，有自己嘅選擇。」
問及老公王敏德（Michael）反應，Janet指他對於女兒同志身份欣然接受，平時最接受不到的是女兒打扮性感，Janet說：「如果我啲女着啲裙短啲、啲褲短啲，佢就『喂喂喂，話畀佢哋聽唔好着咁短呀，太低胸喇。』」Janet最後正色謂自從接納女兒同志身份後，全家關係變得更為密切：「依家佢嘅Partner，我哋都當佢係家人，感覺好Warm。對於仔女，搵到自己嘅愛係最緊要。當你睇到個女搵到鍾意自己同自己鍾意嘅人，呢個係一個Blessing。」言談間的真摯令在場所有《仔仔一堂》參賽者大為感動，個個眼濕濕。
本文作轉載及備份之用 來源 source: http://hk.on.cc
|
鍾意就快D Share啦！
|
|
|