聖誕節臨近，女神Ali表示沒有男仔單獨約她出街：「我啲朋友就有男有女，但就冇男仔單獨約我囉，啱啱先講係咪代表我今年冇Market呢？但係聖誕我係鍾意一班朋友（會唔會有少少失望？）我唔想用失望嚟形容，我相信明天會更好！」
Ali常被指與蔡潔撞樣，當事人Ali露出一副不敢相信的表情，反問在場人士：「呢個好似講咗一段時間，你哋係咪真係覺得咁似？真係咁似啊？（你自己覺得似唔似？）咁我就梗係覺得唔似啦，可能有時啲相某啲角度，其實由我入行之前，已經不斷俾人話我似呢個似個個，所以我係好早之前，我已經覺得自己係大眾臉，有人話過我似童愛玲、盧巧音啦，講到我都覺得我真係冇乜特別。」
雖然Ali對於自己外貌似乎沒太大信心，但日前洪永城就為她護航，指Ali靚過蔡潔！Ali笑言：「我認識嘅洪永城係宇宙仔，宇宙仔係唔會講呢啲二揀一嘅題目嘅，我覺得佢係想喺蔡潔面前激下佢。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
