內地男星李亞鵬尋日（13日）自爆確診新冠肺炎，仲拍片暢談自己中招後在家隔離嘅經歷，同細19歲老婆海哈金喜、未夠一歲愛女及年長母親同住嘅佢，就話自己中招後決定「精準防控」，即係自己留喺自己間房唔出門：「終究是加入了『陽了個陽』，和大家分享下我的經歷。」佢就話自己係上周六（10日）開始發燒，自覺頭24小時最辛苦，食完退燒藥同維他命C時就已經退燒，
片中一開始就見到海哈金喜戴住口罩捧住碗湯入房，仲走近李亞鵬身旁嘅床頭櫃擺低，二人距離非常近，加上拍片時李亞鵬未有戴罩，即有網友留言炮轟指佢咁樣做會好易令太太中招，家中同時又有老人家同嬰兒，唔應該由太太嚟冒呢個風險，間接令海哈金喜呢位家人照顧者增加傳染率。
不過李亞鵬都大讚海哈金喜負責為佢送水、送飯，雖然佢有慢慢好轉，亦進行自我隔離，都仍然好焦慮：「也不知道我們家內部的這種精準防控，能不能頂得住。」最後，佢呼籲大家唔好恐慌，注意好日常消毒同安全距離等。
本文作轉載及備份之用 來源 source: http://hk.on.cc
|
鍾意就快D Share啦！
|
|
|