《第80屆金球獎》歌舞／喜劇組影后提名戰況激烈，結果首次獲《金球獎》提名的華人女星楊紫瓊（Michelle）憑荷里活賣座片《奇異女俠玩救宇宙》（Everything Everywhere All at Once），以大熱姿態之下勇奪影后，為華人爭光！她上台表示：
「我會就咁企喺度，去消化呢件事。成40年啦。我會揸實個獎。咁好簡潔咁講，多謝荷里活外國記者協會畀呢個榮譽我，今日嚟到呢度個旅程好奇妙，個戰鬥好精彩，但我諗一切都係值得。我記得當初我去荷里活時覺得係夢想成真……直到我真係嚟到，因為你睇吓我個樣！啲人同我講：『你係少數族裔』，我就諗：『唔係啩，冇可能。』之後有人問我：『你識唔識英文？』我就答：『我搭咗差唔多13個鐘頭飛機過嚟，所以我就學識咗！』時光飛逝，我上年已經60歲，我諗你哋所有女人都明白，當日子年歲數字增加，機會似乎都會變細……跟住我就收到最佳禮物：《奇異女俠玩救宇宙》。」說到此時，樂隊起奏音樂催她落台，她立時笑言：「收聲唔該！我可以打鑊你，OK？我係認真。」其急才獲網友讚賞！她繼而多謝關繼威與珍美李寇蒂絲（Jamie Lee Curtis）等拍檔，最後表示：「呢個獎係為咗所有我依靠嘅前人，同埋同我一齊喺呢個旅程向未來邁進嘅人而攞。」
入行38年的她擊敗一眾強勁對手包括《五腥級盛宴》（Menu）的Anya Taylor-Joy、《巴比倫：星聲追夢荷里活》（Babylon）的瑪歌羅比（Margot Robbie）等獲獎。今次Michelle是繼「舊拍檔」中韓混血兒Awkwafina 2020年之後，第2位亞裔女星於《金球獎》獲封影后！
查實在《金球獎》之前，Michelle已橫掃波士頓、全國電影評論學會、紐約網上影評人、英國影評人等多個協會頒獎禮影后寶座。而她亦被外界一致看好在本月底公布的《奧斯卡金像獎》中再獲影后提名。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
