朱敏瀚（朱仔）於TVB《輕．功》中，與簡淑兒的關係複雜，並且照顧對方誕下的BB，朱仔透露雖然並非首次與BB合作演戲，但剛開始拍攝時仍相當論盡，他說：「今次係同BB最多戲份嘅一次，為求真實感，基本上每一場都係用真BB去拍。記得第一日拍嘅時候抱親佢都喊，但朱朱（朱晨麗）抱佢又冇嘢喎，好有挫敗感。後來研究到呢個BB有個瞓覺姿勢係For佢舒服啲，之後就愈拍愈順利，對住BB都愈嚟愈冧，覺得自己好似奶爸咁。」
朱仔續指與劇中囝囝甚有緣分，他說：「佢喺《回歸光影頌：我的驕傲》入面係做我嘅BB版，同埋要讚一吓BB，佢好似出世就係為咗拍嘢咁，好識得咩時候笑咩時候喊，我都同BB媽咪留咗聯絡，等BB大個啲可以再見面。」問到首次演爸爸的他，會否嚮往做爸爸？朱仔坦言：「拍攝《輕．功》呢個過程，對住呢個BB係增強咗我生B呢個諗法，因為望住BB真係會好冧，有咩都想畀晒佢嘅感覺。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|