陶大宇爆無綫搵拍劇傾唔成 自認麻煩友：好奄尖 #陶大宇

陶大宇今日（28/1）現身太子出席新春關愛派飯活動。被問到會否回流返香港發展演藝事業？大宇表示：「其實今年好特別，因為好多單位搵我合作做事，咁啱而家又 ...

陶大宇今日（28/1）現身太子出席新春關愛派飯活動。被問到會否回流返香港發展演藝事業？大宇表示：「其實今年好特別，因為好多單位搵我合作做事，咁啱而家又過年，仲未開市又未歸位，已經有好多初步嘅接觸，變咗我需要時間去篩選，至於做啲乜嘢，我就稍後公佈。（無綫有搵過你傾拍劇？）佢哋係有搵過我，不過可能係嗰吓咁啱傾唔到啫，係我嘅問題，唔關佢哋事。可能係時間上同角色上配合唔到，加上我麻鬼煩，又好奄尖。（你奄尖啲乜？）可能係要求同感覺。（係咪角色戲份少？）佢哋搵得我戲份係唔會少，不過我對自己有信心嘅。」

被問會否再成家立室？大宇表示：「其實我係冇排除過，始終都要啱時間，大家都知人生大事，唔係買棵菜咁簡單，可能自己係處女座係有要求啲，咁所以想搵一個最合適嘅時間舉行。結婚我係唔會唔結，因為呢個係最完美嘅人生嚟。（而家感情穩定？）都拍咗15年拖係呢個，我唔敢話唔係，相信打風都打捨唔甩。」

好落力！（梁碧玲攝）



好落力！（梁碧玲攝）



好落力！（梁碧玲攝）



好落力！（梁碧玲攝）



好落力！（梁碧玲攝）



好落力！（梁碧玲攝）

本文作轉載及備份之用 來源 source: http://www.hk01.com

鍾意就快D Share啦！

下一篇 》