前港姐冠軍楊思琦2012年未婚生女，2020年宣布再婚並秘密誕下細仔，不過老公身份依然神秘，近日佢於內地節目中罕有談及老公，指遇上現任老公係天意，向來「宅女」嘅佢甚少出街，豈料難得出街就「一擊即中」：「個個約我都唔出街，直到朋友介紹我食飯，咁我推咗幾次㗎啦，咁後尾又食就去啦，去完之後我就同佢認識，然後發展啦，慢慢認識、溝通，好開心遇到彼此。」佢表示曾擔心對方介意佢係單親媽媽，後來發現只係自己多慮：「又Ok喎，冇問題喎，錫我個囡囡好似自己個囡囡咁，愛屋及烏。」佢坦言擇偶首要係人品，經濟條件並唔喺考慮範圍之內，又指老公唔介意佢北上工作，而能夠維持異地戀，全靠3招：互相信任、有交代，以及主動分享日常。
另外，佢又重提昔日於酒吧登台演出時被誤會秘撈做「啤酒妹」，佢無奈指至今仍有人誤解，澄清當時只係手持啤酒贊助商嘅產品拍照，並非「慘到賣啤酒」，慨嘆因此令演出機會大減。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
