每年正月初二正值車公誕，每逢正月初三「赤口」當日，沙田車公廟人頭湧湧，參拜善信數以萬計，盼行個大運。日前娛樂新聞台女主持賴彥妤（Vivienna）亦不 ...
每年正月初二正值車公誕，每逢正月初三「赤口」當日，沙田車公廟人頭湧湧，參拜善信數以萬計，盼行個大運。日前娛樂新聞台女主持賴彥妤（Vivienna）亦不例外，到車公廟祈求神明保佑賜福，順道求籤問前程，結果求得兩支上籤，令她喜出望外：「逢親新年同大時大節，我都會去匀港島新界幾個寺廟拜神兼行大運，同埋屋企亦有擺桃花 ，水仙催旺運氣。今年為事業運求籤，就第一次求到兩張上籤 ，真係喜出望外，同感到好幸運。聽師父話：咁靚嘅籤 ，係萬事大吉。希望新一年有新嘗試，可出埠拍節目、同埋演一啲未做過既角色，變相就好似呢2支籤 ，咁靚咁順風順水就好。」
